Khaali kaghaz pe harf sajaya karta tha
Tanhai mein shehar basaya karta tha
Kesa pagal shakhs tha saari saari raat
Dewaron ko dard sunaya karta tha
Ro deta tha aap hi apni baton par
Or phir khud ko aap hansaya karta tha
Jalne lagti laho mein judai tou deta
Tanhaion ki khaak uraya karta tha
Yaro be-waqt howa pyaar usey le doba
Jo logon ko pyaar k gur sikhaya karta tha
-Ek Ehsaas
-Ek Pyaas,
Or
-Bas Tum
-Ek Sawaal
-Ek Majaal
-Tumhara Khayaal
Or
-Bas Tum
-Ek Baat
-Ek Raat
Or
-Bas Tum
-Ek Dua
-Ek Faryaad
-Tumhari Yaad
Or
-Bas Tum
-Mera Junoon
-Mera Sukoon
-Bas Tum
Or
-Bas Tum
"Jane q zindagi ab sehra lagti hai"
"Saans bhi loon tou zakhmon ko hawa lagti hai"
"Q har baat ki taseer mujh par ulti hai"
"Koi dua bhi de tu bad-dua lagti hai"
"Jeene ki tamana nahin mujh ko zara bhi"
"Saans lena bhi ab tou ik saza lagti hai"
"Apne dil ka haal sunaon bhi tu kise"
"Jab sari duniya hi mujhe vewafa lagti hai"
"Koi marham nahin milta mere dard ka mujh ko"
"Ab tou bas mout hi mere zakhmon ki dawa lagti hai"
Najane kia hoga na mil sake agar tum
Saans tou chale gi par zinda na honge hum
Dil mein gile tou honge bohut
Magar khamosh rahege phir bhi hum
Na chaha tha na chahenge kisi ko itna
Ji liya shayad bas jeena tha jitna
Bas phir khuda se 1 dua karenge hum
Tum humein bhool jao or zindagi ko hum
Meri bhi saari khushiyan milen tujhe
Tere gham bhi cheen lenge hum agar aysa hojaye tou
Haar k bhi jeet jayenge hum
Masoom Si Mohabbat Ka Bus Itna Sa Fasana Hai
Kagaz Ki Haweli Hai, Baarish Ka Zamaana Hai
Kya Shart-e-Mohabbat Hai, Kya Shart-e-Zamana Hai
Aawaz Bhi Zakhmi Hai Aur Wo Geet Bhi Gana Hai
Uss Paar Utarne Ki Umeed Boht Kam Hai
Kashti Bhi Puraani Hai, Toofaan Bhi Aana Hai
Samajhe Ya Na Samjhe Wo Andaaz-e-Mohabbat Ka
Ek Shaks Ko Aankhon Se Ek
Koi tum se pooche kon hoon main
Tum keh dena koi khaas nahi
Ek dost hai kacha pakka sa
Ek jhoot hai aadha sacha sa
Ek khwaab adhoora poora saa
Ek phool hai rookha sookha sa
Ek sapna hai bin socha sa
Ek apna hai un dekha sa
Ek rishta hai un jaana sa
Haqeeqat mein afsana sa
Kuch paagal sa deewana sa
Bas ek bahana acha sa
Jeevan ka aisa saathi hai
Jo door ho to kuch paas nahi
Koi tum se poche kon hon main
Tum keh dena koi khaas nahi
Ek roz tum ne thama tha hath mera
Mera hath se tumhary hath ki khushbu nahi jati
Tum bohut pyar se pukarty thy naam mera
Mery kanonse tumhari wo aawaz nahi jati
Main bulata b nahi tha aur tum Aa jaty thy
Ab bulany par b meriAawaz tum tak nahi jati!
Bas chuky ho tum meri bus bus mein lahu ki manind
Meri ulfat tumhari rooh mein utar Q nai jati?
Main janta hoon ye shaher ye raste tumahre nahi
Phir bhi meri Aankhon seintezar ki Aadat nahi jati
"SOCH LENA" Soch samajh lena qadam uthanay se pehle
Kahin gir na jao manzil aanay se pehle
Ye aandhian bari berehm huwa karti hain
Ye soch lena koi diya jalanay se pehle
Apne aangan ko pholoon se sajaye rakhna
Phool sarey chun lena khizan aanay se pehle
Tumhare seeny mein bhi ik dil dharakta hai
Ye soch lena kisi ka dil dukhanay se pehle
Umar bhar kon kisi k liye rota hai Saqi
Log aansou bahatay hain dafnanay se pehle
Zindagi ka sochta hoon na zamane ka sochta hoon
Main tou bas usse apna banane ka sochta hoon
Uss k rooth jane k andaz ki qasam
Woh rooth jaey tou manane ka sochta hoon
Uss ne na ki wafa tou koi gila nahi
Main uss se wafain nibhane ka sochta hoon
Wo mujh ko rulaaye tou koi baat nahi Faraz
Main ro kar bhi usse hansaane ka sochta hoon
Reza-e-kaanch ki soorat mein bikhar jata hoon
Main teri yaad mein jab had se guzar jata hoon
Ab gurezaan hay wo milne se jo kehta tha kabhi
Tum se milte hi main kuch aur nikhar jata hoon
Roz khata hoon tujhe yaad na karne ki qasam
Roz wado se main apne hi mukar jata hoon
Mujhko tamasha bana diya hay muhabbat ne teri
Log kaste hain aawazein Main jidhar jata hoon
Har gaam pe khaya hay mohabbat ka dhoka
Ab koi piyaar se bulata hay tou dar jata hoon
Tum kyun banay ho dil ka sahara jawab do
Ab kahan hay wo pyaar tumhara jawab do
Kis ko tha naaz apni adaaon pe her gari
Kis ne kiya wafa se kinara jawab do
Hum tou seh na sakenge judai ka ghum
Ye qoul tha mera k tumhara jawab do
Aik taraf zindagi, aik taraf mout hay
Ab kis taraf karoge ishara jawab do
Apny dil ki halat wo kisi ko dikhata na tha
Usey kya ghum tha wo kisi ko batata na tha
Khizan ka mousam jab se uska naseeb hy thehra
Usey jab se koi aur mousam bhata na tha
Logon ko hansanay k wastay zindagi bita di us ne
Kitna ajeeb tha wo shakhs khud muskurata na tha
Jany kis k intizaar mein betha raha subh-o-sham
Misl-e-morat bana wo palk bhi jhapkata na tha
Aaj reh reh kar yaad aya wo
Jo dua de kar bhi dua batata na tha
Apni khushian luta kar us pe qurban ho jaon...
Kash kuch din us shehar mein mehman ho jaon,
Wo apna nayab dil mujh ko de de aur phir mange,
Main mukar jaon aur be-imaan ho jaon,
Wo mujh pe sitam kare har kisi ki tarha,
Main is ada par bhi meharban ho jaon,
Wo mere paon k neeche se zameen khainch le,
Aur phir main us ka aasman ho jaon,
Ab tou mujhe itni muhabat ho gai hai us se k,
Khuda koi mojzaa kare aur main us k naam ho jaon.
Teri chahat mein guzarti meri her shaam hai
Mere dil se nikli hui her dua tere naam hai
Ab mujhko ilzaam na do bewafai ka
Mere haathon ki lakeeron mein wafa aam hai
Qadar poucho us se jo karte hein mohabbat ki pooja
Sirf tere shehar mein mohabbat meri badnaam hai
Apni jaan ka nazrana kese karte paish tujhko
Tere ishq mein her saans jo meri neelaam hai
Kese chhor den tanha zindagi k safar mein
Tere bagair tou meri zindagi gumnaam hai
Mujhe ehsas-e-ulfat tum enayat kyun nahi karty,
Meri izzat to karty ho muhabbat kyun nahi karty
Ye sary log kehty hain k tum chachal tabiyat ho,
Magar tum saamny meray shrarat kyun nahi karty
Jo apni guftugu mein phool tum takseem karty ho,
Kabhi in phoolon ko mujh par nichawar kyun nahi karty
Titlee jo ek mujhko mili thi kitaab mein
Wo apna aks chor gai mere khuwaab mein
Ab tak wo mere zehn mein uljha sawal hai
Shaamil rahi jo her ghari mere nisaab mein
Aankhon mein neend hai na koi khuwaab door tak
Rehtay hain hum bhi aaj kal waisay azaab mein
Milta hai gardishon sy galey lag k chaand bhi
Aaye thay simat k faasle kitney saraab mein
Aakhir meri wafa ka mujhe kiya sila mila
Likha na ek harf bhi us ne jawaab mein
Main ajeeb zmane ki wafa dekhta raha
Umar bhar apna ghar tanha dekhta raha
Kahin na kahin to badal hi jate hain silsile
Magar main jahan gaya sehra dekhta raha
Jane q katrate hain log mujhe milne se
Kal shab dair talak aainna dekhta raha
Pani mangte mangte mere hont pathar ho gay
Wo shakhs mashkiza liye khara dekhta raha
Be-gunah tha phir b sar jhukay hue
Sitamgar k sitam ki inteha dekhta raha
Umar bhar mohabbat ka kuch yun silsila raha
Main use or wo duniya dekhta raha
Kahun ga khuda se yom-hisaab ko MoHsiN
K zamana meri barbadi ka tmasha dekhta raha
Be-basi Be-kali Be-khudi de gaya
Kuch naye tajurbay, ajnabi de gaya
Sochne k liye pal ki muhlat na di
Jagnay k liye ik sadi de gaya
Lay gaya jaan-o-dil, jism se kainch kar
Haan magar, rooh ki tazgi de gaya
Uss k aanay se har ik kami mitt gai
Jaate jaate woh apni kami de gaya
Uss ki sodagari Mein be-insaaf tha
Zindagi de gaya, Zindagi le gaya
Jane kiun woh sansoo ki dor totne nahi deta
Bas qadam aur chalne kawasta dekar mujhe rokne nahi deta
Bat kehta hai woh mujh se hans hans kar je lene ki
Ajeeb shakhs hai mujh ko chain se rone nahi deta
Ajj hosla deta hai mujhe chand sitaron ko cho lene ka
Woh piar se chehra mujhe toot kar bikharne nahi deta
Shayad janta hai woh bhi in ankhon main ansuon ka sailab hai
Jane kiun phir bhi woh in ansoun ko girne nahi deta
Mujh se kehta hai main to mar jaon ga tumhare bina
Main zinda hon ab tak woh mujhe marne nahi deta
Chalo tum keh rahe ho to
Main wapis lot jata hon
Tumhain manzil mubarik ho
Naya sathi mubarik ho
Magar aye humdum-e-deirina
Mujh ko itna batla do
Ky wapis kis taraf jaon
Kahan se saath laye thay
Mujhe itna to samjha do
Agar aysa nahe mumkin
To mujh ko is tarha toro
Ky main yaksir bikhar jaon
Bhataknay se to behtar hai
Tumhary paas mar jaon