Teri chahat mein guzarti meri her shaam hai
Mere dil se nikli hui her dua tere naam hai
Ab mujhko ilzaam na do bewafai ka
Mere haathon ki lakeeron mein wafa aam hai
Qadar poucho us se jo karte hein mohabbat ki pooja
Sirf tere shehar mein mohabbat meri badnaam hai
Apni jaan ka nazrana kese karte paish tujhko
Tere ishq mein her saans jo meri neelaam hai
Kese chhor den tanha zindagi k safar mein
Tere bagair tou meri zindagi gumnaam hai
Jurme ulfat mein log hamen saza dete hen
Kitne nadan hen sholon ko hawa dete hen
Kaise mumkin he dil bhi jale aur duhwan na ho
Chot parti he to pathar bhi sada dete hen
Aap se to guzra he waqt do ghari ka
Log to sadion ki muhabbat ko bhula dete hen
Bas jahan bhi raho sada khush raho
Is aakhri mulaqat men yahi "Dua" dete hen
Kon yad rakhta he kisi ko bichar jane k bad
Ghar ki dehleas chorte hi apne bhi bhula dete hen
Sabhi ashk aankhon mein aa gaye, Na chupa sake na bata sake
Wo jo bhed tha wo khul gaya, Koi baat bhi na chupa sake
Na wafa rahi, na jafa rahi, na wo dil raha, na hum rahe
Us ki yaad ka jo charagh tha, Na jala sake na bhuja sake
Koi zor khud pe raha nahi, Koi bus bhi us pe chala nahi
Usey dekhty rahe door tak, Magar haath tak na hila sake
Nahi is mein us ki khata koi, Na naseeb ka koi dosh tha
Ye hamara apna mizaaj tha, K kisi tarha na nibha sake
~".AJNABI."~ ~Tujhe apni hathon ki lakeeron mein na basaya to phir kehna~
~Aa k tujhe tere khuwabon mein na sataaya to phir kehna~
~Teri sochon mein guzar jati hy sari raat~
~Zindagi bhar raton ko na jagaya to phir kehna~
~Dhondtay phiro gay tum har jaga hum ko~
~Apne ishq mein tujhe pagal na bnaya to phir kehna~
Wafa ki Aarzoo karna!
Safar ki justujoo karna!
Jo tum mayoos ho jaao!
Tou mujh se guftugoo karna!
Ye aksar ho bhi jaata hay!
K koi kho bhi jaata hay!
Muqaddar ko sataao gay!
Tou phir ye so bhi jata hay!
Agar tum hosla rakho!
Wafa ka silsila rakho!
Jisey tum apna kehtay ho!
Tou us se raabta rakho!
Main ye daavy se kehta hon!
Kabhi naakam na hogy!
Mohabhat ko samajh jaao!
Kabhi badnaam na hogay
Main roney se darta hon
Juda honey se darta hon
Meri ankhain batati hein
K
Main soney se darta hon
Meri ungly pakar laina
Mujhey tanha nahein karna
Ye dunya aik maila hai
Is liay
Tumhein khoney se darta hon,
Jab hansta ho to
Q
Palkon k goshay bheeg jatay hein,
Tumhein maloom hai
Main is tarha roney se darta hon,
Ye jab se khuwab daikha hai,
Mujhe tum chor jao ge
Main darta hon khuwabon se,
Main ab sone se darta hon,
Yehi arzu rhi umer bher k muhbtain mere sath hon!
kbi esa ishq kia nhi k nidamten mere sath hon,
koi esa harf nhi likha k ho shermsar qlam mera!
koi esa jurm nhi kia k wazahaten mere sath hon,
Faqat ek shakhs ki arzu men guzer rahi he ye zindgi!
ye talab nhi k tamam shehr ki chahatn mere sath hon
Main apni dosti ko shehar mein ruswa nahi karti,
Mohabbat main bhi karti hoon magar charcha nahi karti
Jo mujh se milnay aajaye main us ki dil se khadin hoon,
Jo utth k jana chahay mein usay roka nahi karti
Jisey main chhor deti hoon usey phir bhool jati hoon,
Phir us hasti ki janib main kabhi dekha nahi karti
Tera israar sarr aankhon pe k tum ko bhool jaaoon main,
Main koshish kar k dekhoon gi magar waada nahi karti
Hum par nafraton k teer barsate kyun ho
Saath raqibon k mil satate kyun ho
Do qadam saath chal k tanha chor dene walo
Phir saath jeene marne ki qasmein khate kyun ho
Jin ko sirf tumhare husn se gharz hoti hay
Un k naz nakhre phir tum uthate kyun ho
Mohabbat ki aar mein badnam karte hain jo tumhein
Un ki dobti naao ko kinare lagate kyun ho
Khud dobna hay tou auron ko bhi le dobo
Tan tanha apni zindagi kadiya bujhate kyun ho
Wahshion k des mein wafa kab milti hay
Apni qismat ko har bar aazmate kyun ho
Jin ko izzat ki zindagi raas nahi yaaro
Un ki khatir tum apni hasti ko mitate kyun ho
Mily Jahan se kisi ko kanTay kisi k Hissy GuLaB ThehrY,
Jise wo Chahy NawazTa hai Ye mere Rab k HisaB thehrY,
Bara rahim-o-karim hai wo jise De dey us ki marZi,
Kisi k Hissay Sawab Likh dy kisi Hissy AzaB ThehrY,
ye ApNi TaQDir se miLa hai kis ko DariYa kisi ko SehRa,
Koi TaRasTa hai BoonD-BhaR ko kisi k HissY SairaB ThehrY,
Koi Din mei SapNaY DaikhY kisi se Neendain bhi Door,
Kisi k HissY Raat JaGaY to kisi k Hissy mei khuwaB ThehrY,
Jab wo neend se jagay tou usey bata dena
K saari raat tere paas jaga tha koi
Tum ne jab neend mein haathon ko pakra tha us k
Us shab-e-wasal saktay mein par gaya tha koi
Jab bhi aai koi muskaan tere chehre pey
Haan phir dheery se bohat muskura dia tha koi
Jab bhi takia tere sar sey hatt jata tha
Phir apni god mein sar rakh k sulata tha koi
Tum saari raat yunhi be-khabar sotey rahay
Saar raat tujhe chahat sey sulata tha koi
Mujhy kisi k tasawur mein doob jany do,
Bohat nahin thora sa hi jal jany do
Janta hon mahabbat nahin mujh se usy
Magar main khush hon, mujh ko faraib khany do
Main bhool jaon usy, ye to ho hi nahin sakta
Wo bhoolta hy mujhy to bhool jany do
Meri wafayen kal usy bohat rulayen gi
Meri wafa pe usy aaj muskurany do
Huwa wo kaisy juda yaad kuch nahin aata
Main sochta hoon usy kuch to yaad aany do
Tujhe ruswai ka darr hai, na aaya kar
Bicher jana hi behtar hai, na aaya kar
Kisi shaadaab kooche mein basa khud ko
Ye dil ujra hua ghar hai, na aaya kar
Guzar ja aayine jaisa badan le kar
Yahan har aankh pathar hai, na aaya kar
Mera dukh tum ko bhi ik din dabo de ga
Bohat gehra samandar hai, na aaya kar
Agar kaho tou haal dil sunaaon tumko
Tamaam umar saamne bithaaon tumko
Mere zakhmon ka haal poocho ager jaan-e-jaan
Tou ek ek zakhm ki tafseel sunaaon tumko
Mout ki neen se bhi gehri ek neend hoti hai
Tere baazoun ka ho takya tou dikhaaon tumko
Yehi dua hai k wo waqt aaye ek baar phir
Tum jo rootho tou haath jor kar manaaon tumko
Har shakhs mein mujhe ek raqeeb nazar aata hai
Bol ae mere hum nawa kis kis ki nazar se bachaaon tumko
Usey Main Bhool Jana Chahta Hoon
Suno ! Main Muskurana Chahta Hoon
Dukhi Rehnay Ki Aadat Ho Gai Hai
Mager Ab Gungunana chahta Hoon
Puraney Sab Taluq Toor Ker Ab
Nai Duniya Basana Chahta Hoon
Woh Nazmen Paaon Se Lipti Hain Lakin
Main Un sey Jaan Churana Chahta Hoon
Woh Sab Tohfey Woh sookhey Phool Sarey
Main Ab Un Ko Jalana Chahta Hoon
Main Utna Pass Aata Hoon Tumharey
Main Jitna Door Jana Chahta Hoon
Maery Hamdam, Haqeeqat Hai Yeh Meri
Main Teray Pass Aana Chahta Hoon
Ubhrney Ki Koi Khahish Nahin Hai
K Ab Main Doob Jana Chahta Hoon
Zulf raaton si hay rangat hay ujaalon jesi
Par tabiyat hay wohi bhoolne walon jesi
Dhondta phirta hoon logon mein shahabat uski
K woh khuwaboon mein bhi lagti hay khayalon jesi
Uski baatein bhi dilaweez hein surat ki tarha
Meri sochein bhi preshaan mere baalon jesi
Uski aankhon ko kabhi ghor se dekha hay
Rone walon ki tarha jaagne walon jesi
Zara tum shaam dhalne do
K suraj ko tou jane do
Parindo ko tou urne do
Zara tum shaam dhalne do
Abhi tou aasman ka rang nikhre ga
Abhi khushbo bhi bikhre gi
Abhi mosam bhi badle ga
Abhi tou chaand nikle ga
Abhi manzar badalne mein zara si dair baqi hay
Abhi dil k sambhalne mein zara si dair baqi hay
Chale Jana!
Abhi do chaar pal, do chaar sidiyan saath rehne do
Mujhe kuch aaj kehne do
Bus apne paas rehne do
Mujhe itna tou kehne do
"Mujhe tum se Mohabbat hay"
Zakhm-e-tanhai me khushbo-e-hina kis ki thi
Sayaa devaar permera tha, sada kis ki thi
Uski raftar se lipti raheen ankhen meri
Usne murr kar bhi na dekha k wafa kis ki thi
Ansuon se hi bhar gaya daman mera
Haath tu main ne uthaye thy dua kis ki thi
Meri Aahoun ki zuban koisamajhta keise
Zindagi itni dukhi mere sivaa kis ki thi
Aag se dosti uski thi, jala ghar mera
Di gai kis ko saza aur khata kis ki thi
Ajab kurb ka aalam hay meri basti par
Ghata bhi chaai hay barsat bhi nahi hoti
Bohut kuch kehna hay tum se aaj magar
Silay hein hont koi baat bhi nahi hoti
Ajeeb rang badalta hay asar ka soraj
K shaam khafa hay or raat bhi nahi hoti
Main uski zaat ka hisa bhi ban nahi sakti
Juda us se meri zaat bhi nahi hoti
Zaruri kaam hay lekin rozana bhool jata hon
Mujhe tum se mohabbat hay batana bhool jata hon
Tumhari galiyon mein phirna itna acha lagta hay
Main raasta yaad rakhta hon tikhana bhool jata hon
Bas itni baat pe logon ko main acha nahi lagta
Main neki tou karta hon jatana bhool jata hon
Shararat lekar aankhon mein wo uska dekhna
Main nazron pe jami nazren jhukana bhool jata hon
Mohabbat kab huyi sub yaad hay
Kyon k main kar k mohabbat ko bhulana bhool jata hon