Apni dharkanon sekuch aise mera naam lo,
Ye waqt ruk jaye is lamhay ko thaam lo
Teri aankhon mein jhalak hay aisi mere piyaar ki
Saahil pe jese dhalti haseen shaam ho
Lafzon se hota nahi izhaar humse piyaar ka
Bus meri aankhon mein dekh kar khud ko pehcchaan lo
Jese tarasta hay sehra shabnam k choonay ko Wasi
Kabhi wese rab se tum bhi mujhe maang lo
Zindagi Mili Zra Si Thi*
Kuch Is Me Kami Zra Si Thi"
Wo Roz Hota Gya Paas Mere*
Lekin Phir Bhi Doori Zra Si Thi"
Chand Jagte Jagte So B Gaya*
Raat Abi Beeti Zra Si Thi"
Qasoor Chashm-e-Awara Ka Zyada Tha*
Meri To Marzi Zra Si Thi"
Mohbat Bant Di Us Ne Zamane Me*
Jo Mere Hisey Me Ayi "ZRA SI THI"
Sach to ye hey jo mujhe jhoot ki aadat hoti
Mujh ko tumse na tumhein mujh se shikayat hoti
Apne maazi k fasanay jo sunata tum ko
Kese zinda hun ab tak tumhein hairat hoti
Kuch nahi kehta to kehtay hein k maghroor hu main
Aur kuch kehta to kuch aur shikayat hoti
Khud parasti jo na insaan ki firtrat hoti
Sari dunya mein mohabbat hi mohabbat hoti
Tum ne acha kia mujh ko na dia wafa ka badla
Tum bhi mujh se jo wafa kertay to tijarat hoti
Masoom Si Mohabbat Ka Bus Itna Sa Fasana Hai
Kagaz Ki Haweli Hai, Baarish Ka Zamaana Hai
Kya Shart-e-Mohabbat Hai, Kya Shart-e-Zamana Hai
Aawaz Bhi Zakhmi Hai Aur Wo Geet Bhi Gana Hai
Uss Paar Utarne Ki Umeed Boht Kam Hai
Kashti Bhi Puraani Hai, Toofaan Bhi Aana Hai
Samajhe Ya Na Samjhe Wo Andaaz-e-Mohabbat Ka
Ek Shaks Ko Aankhon Se Ek...
Phir daman-e-umeed wo phoolon se bhar gaya
Jaadu bhari nigah se jaadu sa kar gaya
Bus dekhtay hi dekhtay dunya badal gayi
Kuch sochtay hi sochtay chehra utar gaya
Be-taab be-qarar tha pehlay he dil bohat
Phir aap ka aana aur bhi be-taab kar gaya
Ik be-khudi ka naam mohabbat hay dosto
Chahat mein kis ko hosh hay kya kya guzar gaya
Kuch bhi pata nahi hay mohabbat mein MoHSiN
Kab raat subha ban gayi kab din guzar gaya
Meri qismat mein bhi koi aisa sajda kar de
Jo merey sarey gunahoon ka madawa kar de
Sari dunia se chura kar mujhe apna kar de
Meri mitti ko khudaya tou ab sona kar de
Main tera chahnay wala hoon magar hain hasrat
Jinko tou chahta hai mujhko bhi waisa kar de
Ek nazar apnay gunahgaar pe kar k maula
Apni rehmat ka sazawaar hamesha kar de
Jis taraf chahonn faqat teray hi jalway dekhon
Shauq-e-Ulfat ko meray hadd se ziyada kar de (Ameen)
Hum ne ulfat ka bharam sub se juda rakha hai
Goya seenay mein tujhy dil ki jagah rakha hai
Dil ye chahe k tu kabhi badnaam na ho
Dekh zikr tera hai magar naam chupa rakha hai
Mere jis haath se kiya tha tu ne musafa
Dhoya hi nahi honton se laga rakha hai
Ab main samjha tere rukhsaar pe til ka matlab
Doulat-e-husn pe darban bitha rakha hai
Juda ho gaye hain tou phir kiya hua Sahil
Teri tasveer ko seenay mein saja rakha hai
Udas Mosam mein muskrana
Na Tere Bas Mein
Na Mere Bas Mein
Judai k rog ko chupana
Na Tere Bas Mein
Na Mere Bas Mein
Wo fasl-e-gul to ab dhal chuki hy
Chita Mohabbat ki jal chuki hy
Wafa ki maiyt ko ab uthana
Na Tere Bas Mein
Na Mere Bas Mein
Wo pyar k pal Wo chan raten
Wo dil nashen phool jesi baten
Haseen yaadon ko bhool jana
Na Tere Bas Mein
Na Mere Bas Mein
Tere sapno mein tera har lamha churaonga
Tum ko rulaonga, Mar jaonga tou bohut yaad aonga
Phir yaad aengi tum ko meri baatein
Wo sawan ki bheegi bheegi si raatein
Yaadon mein aa kar tumhein sataonga
Mar jaonga tou bohut yaad aonga
Nahi sub ka muqadar wafa jaan lo jana
Phir khudi se roothna khudi ko manana
Main laut kar phir kabhi na aonga
Mar jaonga tou bohut yaad aonga
Ye wadey ye wafa baat purani hay
Suno mohabbat ka dosra naam kahani hay
Main mar kar bhi mohabbat ko nibhaonga
Mar jaonga tou bohut yaad aonga
Phir na kehna hum ko be-wafa jana
Yahen talak tha chahat ka sisila jana
Ab door kahin main chala jaonga
Mar jaonga tou bohut yaad aonga
Ajeeb hoti hay ghum ki daastan bhi
Ghum mein tou rota hay aasman bhi
Main tum ko aansoun mein nehlaonga
Mar jaonga tou bohut yaad aounga
Bujh gaya meri zindagi ka diya sibtain
Bardasht se ziada hay seh liya sibtain
Main jab khaak-basera mein ho jaonga
Mar jaonga tou bohut yaad aonga
"SOCH LENA" Soch samajh lena qadam uthanay se pehle
Kahin gir na jao manzil aanay se pehle
Ye aandhian bari berehm huwa karti hain
Ye soch lena koi diya jalanay se pehle
Apne aangan ko pholoon se sajaye rakhna
Phool sarey chun lena khizan aanay se pehle
Tumhare seeny mein bhi ik dil dharakta hai
Ye soch lena kisi ka dil dukhanay se pehle
Umar bhar kon kisi k liye rota hai Saqi
Log aansou bahatay hain dafnanay se pehle
Ek roz tum ne thama tha hath mera
Mera hath se tumhary hath ki khushbu nahi jati
Tum bohut pyar se pukarty thy naam mera
Mery kanonse tumhari wo aawaz nahi jati
Main bulata b nahi tha aur tum Aa jaty thy
Ab bulany par b meriAawaz tum tak nahi jati!
Bas chuky ho tum meri bus bus mein lahu ki manind
Meri ulfat tumhari rooh mein utar Q nai jati?
Main janta hoon ye shaher ye raste tumahre nahi
Phir bhi meri Aankhon seintezar ki Aadat nahi jati
Hum Se Daikhi Nahi Jati Yeh Veerani Dil Ki
Koi Samjha Hai Na Samjhay Ga Kahani Dil Ki
Tamana Ishq Ki Barbaad Kar Gayi Hum Ko
Hum Jisay Aab Bhi Kehte Hain Nadani Dil Ki
Jab Bhi Daikha Usan Dharkan Na Phir Sambhal Payi
Ab Bhi Mansoob Ussi Se Hai Rawani Dil Ki
Hum Na Badlay Magar Dunya Badal Gayi
Wohi Dil Hai Wohi Aadat Hai Purani Dil Ki
Zakham muskurate hain ab bhi teri ahatt par
Dard bhool jate hain ab bhi teri ahatt par
Shabnami sitaron par phool khilne lagte hain
Chaand musturate hain ab bhi teri ahatt par
Umar kaat di lekin bachpana nahi jata
Hum diya jalate hain ab bhi teri ahatt par
Teri yaad aye tou neend jati rehti hai
Hum khushi manate hain ab bhi teri ahatt par
Ab bhi teri ahatt par chaand muskurata hai
Khuwaab khushi manate hain ab bhi teri ahatt par
Teri hijr mein hum par ek azab tari hai
Chonk chonk jate hain ab bhi teri ahatt par
Ab bhi teri ahatt par laut ati hai
Ashq hum bhaate hain ab bhi teri ahatt par
Wohi sochain wohi batein wohi andaz ab bhi hay
Bohut bechain lagtay ho koi to raaz ab bhi hay
Main kaisay us ki yaadon or wadon se nigahe phairoon?
Wo mujh se roothnay wala mera hamraz ab bhi hay
Yeh tum ho is taaluq par preshaan or nadim bhi
Isi belos rishtay par mujhay to naaz ab bhi hay
Bikhri hay kuch is tarah mohabbat usay kehna
Aankhon mein utar ayi hay wehshat usay kehna
Kehna k tere baad se g lagta nahi hay
Be-chain si rehti hay tabiyat usay kehna
Aansoun se wazon kar k ye khamosh aankhein
Karti hein roz teri ibadat usay kehna
Ye soch k badnaam na ho jaon kisi din
Kar li tere shehar se hijrat usay kehna
Mehki hay phir mere aangan mein raat ki raani
Jaagi hay tere qurb ki hasrat usay kehna
Wo ojhal meri nigahon se kahan rehta hay
Wo ashk ban kar aankhon se rawan rehta hay
Kisi lamhay tanha honay nahi deti uski yaadein
Mere aangan mein melay ka samaan rehta hay
Har ghari dil ka daricha khula rakhtay hain
Har ghari us k aaney ka gumaan rehta hay
Log kehtay hain zakham bhar jatey hain aakhir
Zakham bhar jatey hain lekin nishaan rehta hay
Wo miley tou itna bata dena usko
Tujh bin tera ik shakhs preshaan rehta hay
Bikhar Rahi Hy Meri Zaat Usy Kehna
Kbhi Milay To Yehe Baat Usy Kehna
Wo Sath Tha To Zamana Tha Hamsafr Mera
Mgar Ab Koi Nahi Mery Sath Usy Kehna
Usy Kehna K Bin Usky Din Nahi Katta
Sisik Sisik K Katti Hy Raat Usy Kehna
Usy Pukaron K Khud Hi Pohanch Jaon Usky Pass
Nahi Rahy Wo Halaat Usy Kehna
Agar Wo Phir Bhi Na Lotay To Ay Mehrban Qasid
Hamari Zeest K Halaat Usy Kehna
Her Jeet Us K Naam Kr Rahe Hoon Main
Main Mante Hoon Apni HAAR Usy Khna
Teri chahat mein guzarti meri her shaam hai
Mere dil se nikli hui her dua tere naam hai
Ab mujhko ilzaam na do bewafai ka
Mere haathon ki lakeeron mein wafa aam hai
Qadar poucho us se jo karte hein mohabbat ki pooja
Sirf tere shehar mein mohabbat meri badnaam hai
Apni jaan ka nazrana kese karte paish tujhko
Tere ishq mein her saans jo meri neelaam hai
Kese chhor den tanha zindagi k safar mein
Tere bagair tou meri zindagi gumnaam hai
"Apny Dil Ko Sanbhalo Or So Jao,"
"Aansou Aankhon Mein Chupa Lo Or So Jao"
"Kuch Nahi Milta Ishq Mein Siwaye Is Kay,"
"Ghum Ki Barish Mein Naha Lo Or So Jao"
"Chor Do Ye Ratoon Ko Dair Tak Jagna,"
"Us Ki Yaad Dil Sy Mita Lo Or So Jao"
"Ishq Mein Hamesha Bewafai He Hoti Hay,"
"Ye Baat Zehn Mein Bitha Lo Or So Jao"
In tamam haseen ruton ko tumhary naam kar doon
Tumhary payar mein ye umar apni tamam kar doon
Jalta hay jo suraj mahboob ki tallash mein
Us ki tapish ko tumhary liye gulay aam kar doon
Zindagi bhar khoya rahon tery shehar mein
Jee chahta hay in raaton ko gumnaam kar doon
Daikho jo aik dafa payar sy meri taraf
Tumhari chahat mein paish apni jaan kar doon
Aik dafa daikho tum meri chahat ko
In sahraon ko tery liye gulistaan kar doon