Mitt gaya hon mujh ko tou mitta rehne do
Mere jazbaat k sholon ko bujha rehne do
Dard sehne ki hay bachpan hi se aadat mujh ko
Mere riste hoye zakhmon ko hara rehne do
Ab tou tabeer ki hasrat hi nahi hay mujh ko
Meri aankhon mein mera khuwab chupa rehne do
Muskurahat pe mera haq hi nahi hay yaaro
Mere honton se tabasam ko khafa rehne do
Dil jo toota hay tou aankhein na chalak jaen Wasi
Aj aankhon ko in ashkon se bhara rehne do
Tum kyun banay ho dil ka sahara jawab do
Ab kahan hay wo pyaar tumhara jawab do
Kis ko tha naaz apni adaaon pe her gari
Kis ne kiya wafa se kinara jawab do
Hum tou seh na sakenge judai ka ghum
Ye qoul tha mera k tumhara jawab do
Aik taraf zindagi, aik taraf mout hay
Ab kis taraf karoge ishara jawab do
Gulab rut mein haseen chehro humein btao udaas kyon ho
Dilon pe beeti kahaniyan sub humein sunao udaas kyon ho
Jo ranjishen dil mein pal rahi hain munafiqat mein jo dhal rahi hain
Bhula k shikway mitta k doori galay lagao udaas kyon ho
Kitab-e-dil k tamam safon py hum ne likha hay lifz mohabbat
Humein hamari wafa k aagay saza sunao udaas kyon ho
Fareb khana bhi mashgala hay fareb dena bhi mashgala hay
Tou dil k lutnay py kisa E maatam khushi manao udaas kyon ho
Us se milne ko kabhi hum jo machal jate hain,
Tou khayalon mein bohut door nikal jate hain,
Gar wafaon mein sadaqat bhi ho hidayat bhi,
Phir tou ehsas se pathar bhi pighal jate hain,
Uski ankhon k nashy mein hoon jab se dooba,
Lar-kharaty hain qadam or sanbhal jate hain,
Bewafai ka mujhe jab bhi khayal ata hy,
Ashk rukhsar py aankhon se phisal jate hain,
Piyar mein ek hi mosam hai baharon ka "Faraz"
Log mosam ki tarah kese badal jate hain,
Tumhare rah badalne ki baat kis se karoon?
Main apne khuwab bikharne ki baat kis se karoon?
Abhi wo jaane-e-ghazal door hay nighahon se
Abhi main jaan se guzarne ki baat kis se karoon?
Abhi tau hijr ki tarikiyan hain dono taraf
Abhi main chaand nikalne ki baat kis se karoon?
Abhi tau ghamon se nidhaal hain sabhi
Abhi main tere bicharne ki baat kis se karoon?
Meri judai k gham koi bhi nahi sunta
Tumhare baad sulaghne ki baat kis se karoon?
Haqiqat jan kar aisi hamaqat kon karta hai?
Bhala be faiz logonse mohabat kon karta hai?
Btao jis tijarat me khasara hi khasara ho
Bina soche khasare ki tijarat kon karta hai?
Hamen hi ghalat fehmi thi kisi k waste warna!
Zmane k rewajon se baghawat kon karta hai?
Khuda ne sabr karne ki mujhe tufiq bakhshi hai,
Ary g ghar k tarpao! shikayat kon karta hai?
Kisi k dil k zakhmon par marham rakhna zaruri hai!
Magar is daor me "Mohsin" ye zehmat kon karta hai?
Mujhy duaon mein yaad rakhna
Main wo musafir hon jis ka rasta bohut kathan hay
Mera asasa hi dosti hay
Ye ghup andheron mein roshni hay
Ya kaali raaton mein chandni hay
Isi saharay guzer rahay hein ye zindagi k haseen lamhay
Ye meri izzat ye meri shuhrat
Hay doston ki dua ka haasil
Mujhy duaon ka aasra hay
Meri bas itni iltija hay
Mujhy duaon mein yaad rakhna
Mujhy duaon mein yaad rakhna
Meri sadgi mera jurm hai
Yahan chahton ka sila nahi
Yahan dosti ka maza nahi
Yahan jane k c hawa chali
Rahi doston mein wafa nahi
Yahan jal gaya mera Aashiyan
Abhi badlon ko pata nahi
Tere dar pe main dastak de sakun
Ye haq tum ne mujhe diya nahi
Main rahi rahe umeed par
Mujhe manzilon ka pata nahi
Bebas hon jahan mein itni
Jese meri koi dosti ki wafa nahi
Meri sadgi mera jurm hay
Koi or meri khata nahi
Main wohi hon jisay tum dost kaha karte thay
Din mein so baar mera naam liya karte thay
Aaj kiya baat hay kyun mujh se khafa bethay ho?
Kiya kisi aur ko tum dost bana bethay ho?
Faaslay itne to pehle na huwa karte thay
Main wohi jisay tum dost kaha karte thay
Tum agar bhool gaye ho to koi baat nahi
Zakham to pehle bhi is dil pe laga karte thay
Main wohi hon jisay tum D-O-S-T kaha karte thay.
Masoom Si Mohabbat Ka Bus Itna Sa Fasana Hai
Kagaz Ki Haweli Hai, Baarish Ka Zamaana Hai
Kya Shart-e-Mohabbat Hai, Kya Shart-e-Zamana Hai
Aawaz Bhi Zakhmi Hai Aur Wo Geet Bhi Gana Hai
Uss Paar Utarne Ki Umeed Boht Kam Hai
Kashti Bhi Puraani Hai, Toofaan Bhi Aana Hai
Samajhe Ya Na Samjhe Wo Andaaz-e-Mohabbat Ka
Ek Shaks Ko Aankhon Se Ek
Jab udas ho to gunguna lena mujhko,
Jab tumhara koi na bane to apna bana lena mujhko
Kabhi agar socho k tum se ziyada tumhen kon chahta hai,
To apne naam k sath phir se dohra lena mujhko
Hansne k liye to mil jayen ge hazaron tum ko,
Jab rone k liye na mile koi kandha to bula lena mujhko.
Koi aatA HaE yad Bahut sone se pehle
Jo cheen leta hai aansoo mery ronay se pehlay
Ab neend bhi aaye tou mein sona nahi chahta
Kisi qeemat pe bhi mein us ko khona nahi chahta
Ho jaye wo kaash mera mujhy khony se pehle
Jo aaA haE yad bahut sone se pehle
Sari raat ki jagi hui ankhein
College mein kia parhti hungi
Khul na jaey kahein raz-e-dil
Har Waqt es sy darti hungi
Janay kasay,Kidhar sy aey ga
Unkay Khaboon ka shezada
Chupkay chupkay jis k baray wo sochti hungi
Ansuon k sath janay kia un mein Chupa hey
Jis k khonay k dar sy hamisha wo hansti hungi
WAASI jab sy dikhi hein Sharmeeli si wo ankhein main ny
Tab sy soch raha hoon wo ankhein kis ko doondhti hungi
Phir daman-e-umeed wo phoolon se bhar gaya
Jaadu bhari nigah se jaadu sa kar gaya
Bus dekhtay hi dekhtay dunya badal gayi
Kuch sochtay hi sochtay chehra utar gaya
Be-taab be-qarar tha pehlay he dil bohat
Phir aap ka aana aur bhi be-taab kar gaya
Ik be-khudi ka naam mohabbat hay dosto
Chahat mein kis ko hosh hay kya kya guzar gaya
Kuch bhi pata nahi hay mohabbat mein MoHSiN
Kab raat subha ban gayi kab din guzar gaya
Mujhko takdeer k hathon sy mila kuch bhi nahi
Or takdeer ny mujhko diya kuch bhi nahi
Hath thamo tou sitaron ko jhuka saktey hain
Warna hathon mein lakeeron k siwa kuch bhi nahi
Iska matlab hai k majboor bohat hai wo bhi
Khaali kaghaz mujhy aaya hai likha kuch bhi nahi
Apnay har ashk mein tum mujhko munakas kar k
Ye samajhtay ho k dunya ko pata kuch bhi nahi
Teri yaadon k sahary hain zinda warna
Jivan mein or is dil mein bacha kuch bhi nahi
Door reh kar kareeb kitnay hein,
Faslay bhi ajeeb kitnay hein
Dard-E-dil ki dawa nahi warna,
Es jahan mein tabeeb kitnay hein
Umer bhar sath jo rahay teray,
Us k achay naseeb kitnay hein
Kyun na aaye tum meray sapno mein,
Meray shikaway bhi ajeeb kitnay hein
Sardiyon ki shaamein bhi kiya ajab shaamein hein
Log yaad atay hain
Aag si lagatay hain
Dil k har ik konay mein
Zindagi k manzer mein
Doob k ubhertay hain
Ik daga jo bichary thay
Roz roz miltay hain
Aur meri aankhon ko
De k kuch naye moti
Phir se laut jate hain
Phir hum akailay mein
Aansoun k railay mein
Sardiyon ki thandak mein
Tanha apne shanay py
Apni shaal sambhalay
Ghar ko laut atay hain
Sardiyon ki shaamein bhi kiya ajab shaamein hain
Behkay huey sare-aam bari dair ho gai,
Saqi pila de jaam bari dair ho gai
Kabhi hum pe bhi waqt tha pitay pilatay thay,
Ab choray huey ye kaam bari dair ho gai
Kesy bhula don tujh ko saahil ki rait par,
Likhtay huey tera naam bari dair ho gai
Kiya bataen manzar sooraj k doobney ka,
Dekhay hoey koi shaam bari dair ho gai
Ehbaab ne meri minnaten hazaar ki,
Pee lijiye janaab bari dair ho gai
Dekhay mery gunah to farishtay pukaar uthay,
Bohut ho gaya hisaab bari dair ho gai
Chalo SAGAR ajj un k kochay mein chalen,
Un k kiye salaam bari dair ho gai
Hum Se Daikhi Nahi Jati Yeh Veerani Dil Ki
Koi Samjha Hai Na Samjhay Ga Kahani Dil Ki
Tamana Ishq Ki Barbaad Kar Gayi Hum Ko
Hum Jisay Aab Bhi Kehte Hain Nadani Dil Ki
Jab Bhi Daikha Usan Dharkan Na Phir Sambhal Payi
Ab Bhi Mansoob Ussi Se Hai Rawani Dil Ki
Hum Na Badlay Magar Dunya Badal Gayi
Wohi Dil Hai Wohi Aadat Hai Purani Dil Ki
Hum ne ulfat ka bharam sub se juda rakha hai
Goya seenay mein tujhy dil ki jagah rakha hai
Dil ye chahe k tu kabhi badnaam na ho
Dekh zikr tera hai magar naam chupa rakha hai
Mere jis haath se kiya tha tu ne musafa
Dhoya hi nahi honton se laga rakha hai
Ab main samjha tere rukhsaar pe til ka matlab
Doulat-e-husn pe darban bitha rakha hai
Juda ho gaye hain tou phir kiya hua Sahil
Teri tasveer ko seenay mein saja rakha hai