"Us waqt ko yaad kar zara, jab uthaya jayega
Tera Janaza Tere chahne wale
Tujh par aansoun bahainge
Is say ziada kuch nahi kar payenge
Phir tujhe nahla kar kafan pehna kar
Qabar k garhay mein ja dafnayenge
Phir kuch din bhi na guzar payenge
Yahi log qehqahe lgayenge
marne walon k 7 kon marta hay
Qabron pe phir kon aya karta hay
Tujhe mare hue jab zamane guzar jayenge
Log naam bhi bhool jayenge
Bas yehi he haqiqat is dunia ki khoob ja lo
Kamiyabi chahte ho to ALLAH ki maan lo"
Rooh be-chain dil udaas bohat hay
Bujh gai hay shama-e-umeed or aas bohat hay
Ye dard-e-judai ye hijr k lamhe
Ye fiqr ka mosam mujhe raas bohat hay
Samandar k kinare bethi hoon magar phir bhi
Sokhe hein mere hont pyaas bohat hay
Diye jab gham tau kuch na socha us ne
Ujar gaye hum tau usay ehsaas bohat hay
Bhulanay se jo bhuley na wo kahani chor jaongi
Zamanay mein teri aankhon mein paani chor jaonga
Lipat kar dair tak dar-o-dewaar se log royenge
Main aisi sog mein lipti jawani chor jaongi
Mitao ge kahan tak tum meri yaadein meri baatein
Main har ek mor par apni nishani chor jaongi
Mery ye lafz mar k bhi mujhy merne nahi denge
Main chup ho k bhi lehjy ki rawani chor jaongi
Kuch is tarha se niklon gi teri duya ko thukra kar
Main dushman k bhi chehray par herani chor jaongi
Her shakhs he jesy rukh-e-batil sy mila ho
Aik bhi nahi aisa jo humyn dil se mila ho
Phir rah sy, rehbar sy, musafat sy gila kya
Jab hukam palat jany ka manzil sy mila ho
Andaz-e-mulaqat bhi is baar juda tha
Jesy k unhyn waqt bhi mushkil sy mila ho
Mujhko takdeer k hathon sy mila kuch bhi nahi
Or takdeer ny mujhko diya kuch bhi nahi
Hath thamo tou sitaron ko jhuka saktey hain
Warna hathon mein lakeeron k siwa kuch bhi nahi
Iska matlab hai k majboor bohat hai wo bhi
Khaali kaghaz mujhy aaya hai likha kuch bhi nahi
Apnay har ashk mein tum mujhko munakas kar k
Ye samajhtay ho k dunya ko pata kuch bhi nahi
Teri yaadon k sahary hain zinda warna
Jivan mein or is dil mein bacha kuch bhi nahi
Door reh kar kareeb kitnay hein,
Faslay bhi ajeeb kitnay hein
Dard-E-dil ki dawa nahi warna,
Es jahan mein tabeeb kitnay hein
Umer bhar sath jo rahay teray,
Us k achay naseeb kitnay hein
Kyun na aaye tum meray sapno mein,
Meray shikaway bhi ajeeb kitnay hein
"Zameen pe chal na saka aasman se bhi gaya"
"Katwa ke par, wo paroda urraan se bhi gaya"
"Tabah kar gai pakkay makaan ki khuwahish"
"Main apne gaon k kachay makaan se bhi gaya"
"Parai aag mein jal k bhi kya mila mujhko"
"Usay bacha na saka, Apni jaan se bhi gaya"
"Bhulana chaha to uski bhi inteha kar di"
"Wo shakhs ab mere wehm--gumaan se bhi gaya"
"Kisi k hath ka nikla hua wo teer hoon main"
"Hadaf ko to choo na saka par kamaan se bhi gaya"
^^ Bichar Jana Mera Yon Bhi Ussy Manzoor Hai Shayad ^^
^^ Kare To Kya Kare Wo Bhi Bohut Majboor Hai Shayad ^^
^^ Main Us Ka Shehar Hi Chor Aaya Hon To Kya Hasil ^^
^^ Meri Manzil Mohabbat Ki Abhi Kuch Door Hain Shayad ^^
^^ Main Us K Pyaar Mein Har Shakhs Se Begana Rehata Hon ^^
^^ Sabhi Mehsoos Karte Hain Bohut Maghroor Hain Shayad ^^
Us pe khul jati mere shoq ki shiddat saari
Dekhay hotay jo mere paaon k chalay us ne
Jis ka har aib zamanay se chupaya main ne
Mere qissay sar-e-bazar uchalay us ne
Jab usay meri mohabbat pe bharosa hi na tha
Kyun diye meri wafaon k hawalay us ne
Meri dam torti khuwahish ka khayal aa na saka
Apnay armaan hamesha hi nikalay us ne
Aik mere hi tou haath na thama us ne
Warna girtay huey kitnay hi sambhalay us ne
Wo ik shakhs jo hamain zindagi sy peyara hay
Baghair us k viraan ye jahan sara hay
Wo nahi janta k us ki zaat kiya hay
Wohi tou hay jo muhabbat ka ik sitara hay
Nahi milta tou dil ki halat ajeeb hoti hay
K is mein mera nahi dil ka kasoor sara hay
Wo apni sub baton ko chup chup k beyan karta hay
Yehi tou ada hay jis ny hamain mara hay
Wo kya tha, kya hay, kya hoga, kya khabar?
Yehi pata hay k wo jesa bhi hay bus hamara hay
Chalo aaj mohabat ki nai buniyad rakhte hen,
Khud paban rehte hen, unhein azad rekhte hen,
Humare khoon men rab ne yehi taseer rakhi hai,
Jafayen bhool jate hen, Wafaen yaad rakhte hen,
Ye soch kar k gustaakhi na ho jaye mohabat men,
Apna har qadam uske qadam k baad rakhte hen
Samandar pur-sukoon hay per kinaray shor karte hain,
Meray atraaf bas rangeen nazaray shor karte hain
Aur ab tou chandni taatein mujhe achi nahi lagtein,
Sukoon se so nahi sakta k taaray shor karte hain
Main jab khamosh rehta hoon tou sab khamosh rehte hain,
Agar ik lafz bhi boloon tou saray shor karte hain
Bohat muddat hui jab tum meray koochay se guzre thay,
Per qadmon k nishan ab tak tumhare shor karte hain
Agar kaho tou haal dil sunaaon tumko
Tamaam umar saamne bithaaon tumko
Mere zakhmon ka haal poocho ager jaan-e-jaan
Tou ek ek zakhm ki tafseel sunaaon tumko
Mout ki neen se bhi gehri ek neend hoti hai
Tere baazoun ka ho takya tou dikhaaon tumko
Yehi dua hai k wo waqt aaye ek baar phir
Tum jo rootho tou haath jor kar manaaon tumko
Har shakhs mein mujhe ek raqeeb nazar aata hai
Bol ae mere hum nawa kis kis ki nazar se bachaaon tumko
Wo paani ki lehron pe kia likh raha tha
KHUDA jaane hurf-e-duaa likh raha tha
Likha tha jis ne wafa k maani adhuray
Wo shakhs pyaar ki intiha likh raha tha
Zara uski aankh se ek aansoo na nikla
Wo jis waqt lafz-e-saza likh raha tha
Muhabbat mein nafrat mili thi usay
Wo har shakhs ko be-wafa likh raha tha
Is qadar zamane waalon ne usko sataya
Wo pyaar k jazbay ko gunah likh raha tha
Nahi mumkin andheron mein chiraghon ka bhuja dena,
Bohat mushkil hay meri jaan tumhein dil sy bhula dena
Tumhein ik din sataen gay meri chahat k sub jazbe,
Meri ghazlein meri nazmein mere khat bhi jala dena
Kabhi jo yaad aaon mein tumhein fursat k lamhon mein
Haseen hathon sy kaghez par mujhe likhna, mita dena
Reza kanch ki surat mein bikhar jata hun
Main teri yaad mein jab had sy guzar jata hun
Ab gurezan hai wo milnay se jo kehta tha kabhi
Tum se miltay hi main kuch or nikhar jata hun
Roz khata hun tujay yaad na karnay ki qasam
Roz wadon sy main apnay hi mukar jata hun
Muh ko tamasha bana dia hai mohabbat ne teri
Log kastay hain awazien main jidhar jata hun
Har gham pe khaya hai mohabbat ka dhoka
Ab koi pyar se bulata hai to dar jata hun
Hum tou saaya tera ban jayen agar tu chahe
Ya kabhi bhi na nazar aayen agar tu chahe
Tu jo chahe tou sare-e-aam karen ehd-e-wafa
Yunhi dunia se guzar jayen agar tu chahe
Tujh se milne mein tou jaana teri ruswai hay
Hum teri yaad se mil ayen agar tu chahe
Tu jo keh de tou pukaaren sar-e-bazaar tujhe
Ajnabi ban k guzar jayen agar tu chahe
Zindagi kaat lein agar teri ijazat mil jaye
Teri chuakhat pe hi mar jayen agar tu chahe
"Apny Dil Ko Sanbhalo Or So Jao,"
"Aansou Aankhon Mein Chupa Lo Or So Jao"
"Kuch Nahi Milta Ishq Mein Siwaye Is Kay,"
"Ghum Ki Barish Mein Naha Lo Or So Jao"
"Chor Do Ye Ratoon Ko Dair Tak Jagna,"
"Us Ki Yaad Dil Sy Mita Lo Or So Jao"
"Ishq Mein Hamesha Bewafai He Hoti Hay,"
"Ye Baat Zehn Mein Bitha Lo Or So Jao"
*TANHAAI*
Har raat ghum-e-tanhai, Har shaam teri yaad aai
Laakh tujhe bhulana chaha, Us se barh kar teri yaad aai
Tujh se koi umeed bhi wabasta nahi
Iss dukh se meri aankh bhar aai
Logon ne pocha ashkon ka sabab
Bus mujhe kehna para TANHAAI
"Meri taqdeer se pooch Meri qismat ka faisla"
"Meri muskurahat pe na ja Mere dard ko talaash kar"
"Meri aankhon se pooch Mere intezaar ki inteha"
"Mere itminaan pe na ja Mere sabar ko talaash kar"
"Mere pyaar se pooch Mere pyaar ka aalam"
"Meri soorat pe na ja Meri seeratko talaash kar"