Jab kabi wo hoga apni zaat me Tanha
"To Yaad Aounga"
Na chala qadam se qadam koi
"To Yaad Aounga"
Main uski ankhon ka ishara b samaj leta hon
Na samaj saka koi dil ki baat
"To Yaad Aounga"
Din ka har ik pal guzrega jab us pe kathin
Aur tanha kate gi raat
"To Yaad Aounga"
Har bazi jan kar us se har jata hon
Jab de ga koi usse haar
"To Yaad Aounga"
Hansne ko to dunya b hansti hy sath sath
Na roya koi dukh mai sath
"To Yaad Aounga"
"Zameen pe chal na saka aasman se bhi gaya"
"Katwa ke par, wo paroda urraan se bhi gaya"
"Tabah kar gai pakkay makaan ki khuwahish"
"Main apne gaon k kachay makaan se bhi gaya"
"Parai aag mein jal k bhi kya mila mujhko"
"Usay bacha na saka, Apni jaan se bhi gaya"
"Bhulana chaha to uski bhi inteha kar di"
"Wo shakhs ab mere wehm--gumaan se bhi gaya"
"Kisi k hath ka nikla hua wo teer hoon main"
"Hadaf ko to choo na saka par kamaan se bhi gaya"
Zakhm-e-tanhai me khushbo-e-hina kis ki thi
Sayaa devaar permera tha, sada kis ki thi
Uski raftar se lipti raheen ankhen meri
Usne murr kar bhi na dekha k wafa kis ki thi
Ansuon se hi bhar gaya daman mera
Haath tu main ne uthaye thy dua kis ki thi
Meri Aahoun ki zuban koisamajhta keise
Zindagi itni dukhi mere sivaa kis ki thi
Aag se dosti uski thi, jala ghar mera
Di gai kis ko saza aur khata kis ki thi
Sach to ye hey jo mujhe jhoot ki aadat hoti
Mujh ko tumse na tumhein mujh se shikayat hoti
Apne maazi k fasanay jo sunata tum ko
Kese zinda hun ab tak tumhein hairat hoti
Kuch nahi kehta to kehtay hein k maghroor hu main
Aur kuch kehta to kuch aur shikayat hoti
Khud parasti jo na insaan ki firtrat hoti
Sari dunya mein mohabbat hi mohabbat hoti
Tum ne acha kia mujh ko na dia wafa ka badla
Tum bhi mujh se jo wafa kertay to tijarat hoti
Apni yaadein, apni baatein le kar jana bhool gaya
Jaane wala jaldi mein tha, mill kar jana bhool gaya
Mur mur kar dekha tha usne jaate raste mein
Jese usne kehna tha kuch, jo wo kehna bhool gaya
Waqt-e-rukhsat meri aankhein ponch raha tha aanchal se
usko ghum tha itna ziyada, khud wo rona bhool gaya
Zakham muskurate hain ab bhi teri aahat par
Dard bhool jaate hain ab bhi teri aahat par
Shabnami sitaron mein phool khilne lagte hain
Chaand muskurata hai ab bhi teri aahat par
Umer kat gayi hai magar bachpana nahi jata
Hum diye jalate hain ab bhi teri aahat par
Ghantiyan si bajti hain raqs hone lagta hai
Dard jagmagaate hain ab bhi teri aahat par
Teri yaad aaye tou neend jaati rehti hai
Khuwab toot jaate hain ab bhi teri aahat par
Mitt gaya hon mujh ko tou mitta rehne do
Mere jazbaat k sholon ko bujha rehne do
Dard sehne ki hay bachpan hi se aadat mujh ko
Mere riste hoye zakhmon ko hara rehne do
Ab tou tabeer ki hasrat hi nahi hay mujh ko
Meri aankhon mein mera khuwab chupa rehne do
Muskurahat pe mera haq hi nahi hay yaaro
Mere honton se tabasam ko khafa rehne do
Dil jo toota hay tou aankhein na chalak jaen Wasi
Aj aankhon ko in ashkon se bhara rehne do
Zindagi bewafa kyun hoti hay?
Wafa karne ki saza kyun hoti hay?
*
Choti si baat pe baha dete hain khon
Insaan mein itni anna kyun hoti hay?
*
Karta hun mein jis se baar baar tauba
Elaahi mujh se wohi khata kyun hoti hay?
*
banate to hain hum apne haathon se masjid
Namaz apni hi phir qaza kyun hoti hay?
*TANHAAI*
Har raat ghum-e-tanhai, Har shaam teri yaad aai
Laakh tujhe bhulana chaha, Us se barh kar teri yaad aai
Tujh se koi umeed bhi wabasta nahi
Iss dukh se meri aankh bhar aai
Logon ne pocha ashkon ka sabab
Bus mujhe kehna para TANHAAI
Ajab kurb ka aalam hay meri basti par
Ghata bhi chaai hay barsat bhi nahi hoti
Bohut kuch kehna hay tum se aaj magar
Silay hein hont koi baat bhi nahi hoti
Ajeeb rang badalta hay asar ka soraj
K shaam khafa hay or raat bhi nahi hoti
Main uski zaat ka hisa bhi ban nahi sakti
Juda us se meri zaat bhi nahi hoti
Lafz-e-mohabbat se bhi nafrat thi kabhi hum ko lekin
Majboor huwa dil teri kuch adaayen aisi bhi theen
Bhool kar bhi bhula na paaye hum tujhe
Dil mein basi teri kuch wafaayen aisi bhi theen
Jalta raha dil Shaam-o-saher
Teri mohabbat se haasil humein kuch sazaayen aisi bhi theen
Bujh gaya tujhse wabasta meri umeed ka diya
Tere shehar se aanay wali kuch hawaayen aisi bhi theen
Kisi ki aas ban kar phir usko tanha nahi kartay
Bhala kitni bhi mushkil ho magar aesa nahi kartay
Mohabbat mein shikayat ka kahan dastoor hota hay
Gila kar k mohabbat ko kabhi ruswa nahi kartay
Wafayen dar-haqiqat bari anmol hoti hain
Kabhi apni wafaon ka sila manga nahi kartay
Mohabbat se daman churana nahi
Kabhi chor kar mujh ko jana nahi
Kaha tha dil se mohabbat na karna
Magar baat ye meri mana nahi
Tumhen dil diya hay hifazat se rakhna
Kabhi isko thokar lagana nahi
Koi baat jo tumko meri na bhaye
Khudara bura tum manana nahi
Koi baat ho jaye kesi bhiisko
Tum masla ana ka banana nahi
Ho mujhse shikayat tou mujhse he kehna
Kisi ghair ko tum batana nahi
Wo Muhabbat Say Khafa Hai Mujhey Maloom Na Tha
Ishq Us Say Na-Rawa Hai Mujhey Maloom Na Tha
Wo Bicharne Laga Mujh Say Tou Anaa Toot Gai
Rooth Jana Hi Adaa Hay Mujhey Maloom Na Tha
Subha Honey Pe Bhi Aankhon Say Andhera Na Gaya
Raat Sooraj Say Khafa Hay Mujhey Maloom Na Tha
Rooth Janey Pe Manana Usay Aata Hi Nahi
Ye Bhi Meri Hi Khata Hay Mujhey Maloom Na Tha
Zindagi Jurm-e-Anasar Hai Zamanay Mein
Saans Lena Bhi Saza Hay Mujhey Maloom Na Tha
Kurb kay shehar mein reh kar nahi dekha tu ne
Kiya guzarti rahi hum par nahi socha tu ne
Ay mujhay sabar kay aadaab sikhanay walay
Jab wo bichra tha wo manzar nahi dekha tu ne
Tu ne dekha hai muqaddar ka sitara shayad
Par sitaray ka muqaddar nahi dekha tu ne
Mujhe or kahin le chalo
Jahan raat kabhi soi na ho
Jahan subha kisi pe roi na ho
Jahan hijr ne wehshat boi na ho
Jahan koi cheez kisi ki koi na ho
Jahan log hon sare begane
Jahan sab k sab hon deewane
Jahan koi jhoot ho na afsane
Jahan koi hum ko na pehchaane
Mujhe aur kahin le chalo
Jahan nafrat dil mein bas na sake
Jahan koi kisi ko dass na sake
Jahan koi kisi pe hans na sake
Mujhe aru kahin le chalo
Samandar pur-sukoon hay per kinaray shor karte hain,
Meray atraaf bas rangeen nazaray shor karte hain
Aur ab tou chandni taatein mujhe achi nahi lagtein,
Sukoon se so nahi sakta k taaray shor karte hain
Main jab khamosh rehta hoon tou sab khamosh rehte hain,
Agar ik lafz bhi boloon tou saray shor karte hain
Bohat muddat hui jab tum meray koochay se guzre thay,
Per qadmon k nishan ab tak tumhare shor karte hain
Wo ojhal meri nigahon se kahan rehta hay
Wo ashk ban kar aankhon se rawan rehta hay
Kisi lamhay tanha honay nahi deti uski yaadein
Mere aangan mein melay ka samaan rehta hay
Har ghari dil ka daricha khula rakhtay hain
Har ghari us k aaney ka gumaan rehta hay
Log kehtay hain zakham bhar jatey hain aakhir
Zakham bhar jatey hain lekin nishaan rehta hay
Wo miley tou itna bata dena usko
Tujh bin tera ik shakhs preshaan rehta hay
Aaj bhi tere liye dil mein chahatein baaqi hein
Tujh se jo karni thi wo baatein baaqi hein
Kesy soch liya tum ne humein teri talab nahi
Dil mein utar k dekh ab bhi teri aarzoen baaqi hein
Kabhi fursat miley to aa kar dekh mery kakaan mein
Aaj bhi teri khushboo, teri parchaiyan, teri ranaiyan, teri sargoshian, teri chahatein, teri aahatein baaqi hein
Dekh mera zarf k main toot kar bhi bikhra nahi
Aankh mein aansoo hein magar lab par muskurahatein baaqi hein
Doob rahi hein saansen magar ye guman baaqi hay,
Aane ka kisi shakhs k abhi imkaan baaqi hay
Muddat hui ek shakhs ko bichre huye lekin,
Aaj tak mere dil pe ek nishaan baaqi hay
Kashti zara kinare k qareeb hi rakhna,
Bikhri hui lehron mein abhi tufan baqi hay
Tumhare hi ashkon ne lab si diye warna,
Abhi to mere dukhon ki bohut dastaan baaqi hay
Ghamo se keh do k abhi na rakh-e-safar bandhen,
Kay abhi to mere jism mein kuch or jaan baaqi hay